පවතින අධික වර්ෂාවත් සමඟ වෙහෙරගල ජලාශයේ ජල මට්ටම ඉහළ යාම හේතුවෙන් එහි වාන් දොරටු විවෘත කර තිබේ.
මොණරාගල දිස්ත්‍රික් ආපදා කළමනාකරණ මධ්‍යස්ථානය කියා සිටියේ ජලාශයේ වාන් දොරටු 6ම මේ වන විට විවෘත කර ඇති බවයි.
එක් වාන් දොරටුවක් අඟල් 9 බැගින් විවෘත කර ඇති අතර ඉන් පි‍ටවෙන ජලය මැණික් ගඟට මුදා හැර තිබේ.
මේ හේතුවෙන් මැණික් ග‍ඟේ ජලය පරිහරණය කිරීමේ දී සුපරික්ෂාකාරී වන ලෙස ආපදා කළමනාකරණ මධ්‍යස්ථානය ජනතාවට දැනුම් දෙයි.
Source : adaderana.lk
